1: As I cam o’er Strathmartine Braes,
Wha dae ye think I seen,
But a brisk young piper laddie,
Cam a-linkin ower the green.

Chorus:
Singin, Hey Donal, Ho Donal,
Dirrum a doo the day;
Hey Donal, Ho Donal,
Dirrum a doo the day.

2: He played a jig an he played a reel,
An he played a sweet strathspey;
And he roosed ma hert as the beat kept time,
Tae the tappin o ma tae.

3: “Noo I’ve nae gowd tae offer you,
For I’ve gaithered little gear;
But you’ll hae love an freedom,
If you come wi me ma dear.”

4: “There’s gowd in the broom o the Sidlaw Hills,
Honey in the heather sweet;
There’s a speckled troot in a hidlin tarn
Green carpet at oor feet.”

5: Now he’s taen up his chanter,
An sic a spring he plays;
Noo I’ve chosen love an freedom,
And I’ll wander aa ma days.

Chorus:
Singin, Hey Donal, Ho Donal,
Dirrum a doo the day;
Hey Donal, Ho Donal,
Dirrum a doo the day.

linkin - skipping
hidlin - hidden, secret