1: When in my youth tae tell the truth a music man I'd be,
Nae fiddle braw, nae heedrum haw, wad ever dae for me,
Nae saxophone, nae slide trombone nor onything sae couth,
The moothie's there for ony air and aa ye need's yer mooth.

Chorus:
Sook sook blaw, sook blaw blaw, sook blaw is aa ye need tae mind,
For march and reels, strathspeys, quadrills aye heed that and ye’ll find,
That Haydn, Brahms and hymns and psalms, for them just say Amen,
Jist call “Encore and shout for more,” tae start me up again.

2: I took up lessons, jams and sessions that wis no for me,
I hae the feel that my appeal when I jist hae one key;
Its full as likely and quite rightly music that they’ll marr
When tellt, “When you bring oot that thing, Ye bugger, you’ll be barred”.

3: At length offence was taken and I landed me a charge,
The sheriff says, “A noise like that, we canna hae at large.”
I plead repentance but the sentence was so desperate hard,
Was sixty days of non-stop playing in yhe Foondry Bar.

Chorus:
Sook sook blaw, sook blaw blaw, sook blaw is aa ye need tae mind,
For march and reels, strathspeys, quadrills aye heed that and ye’ll find,
That Haydn, Brahms and hymns and psalms, for them just say Amen,
Jist call “Encore" and shout for "More", tae start me up again.