1: In a field by the pond an auld beech tree stood,
And each day as we walked up the track;
We aye stopped tae gaze at its beautiful form,
Never passed it wi'oot glancing back.

2: O it must hae stood there for hunders o years,
And it’s limbs were as big as maist trees;
It had seen a few summers and autumns and springs,
Aye and mony’s the cauld winter’s breeze.

3: Till yon nicht o the storm that rages ower the land,
Causing havoc in country and toon;
And when we gaed up by the pond the next day,
We could see that the auld tree wis doun.

4: Well we jist stood and stared for speech wouldna come,
It wis just like the death o a freind;
When I turned tae Christine a lump in ma throat,
I could see she had tears in her een.

5: But ye ken what they say aboot an ill wind,
That blaws but does somebody good;
O the winter can blaw wi its frost and its snaw,
Aye but our fire winna gang oot.

O the winter can blaw wi its frost and its snaw,
Aye but our fire winna gang oot.