Bonnie Bessie Logan
On Autumn Harvest AH 002
Old Songs & Bothy Ballads - Here's a Health to the Company
Gordon Easton sings:
A song that has been widely popular. Gordon remembers the song as one from his granny and also as sung by the late John Mearns.
1: Noo bonnie Bessie Logan she’s handsome young an fair,
And the very wind that blaws, it lingers in her hair;
She’s aye sae fleet and bonnie as she steps ower the lea,
But bonnie Bessie Logan she’s ower young for me.
2: Noo bonnie Bessie Logan, aa the lads they like her style,
And convoy her up the pathway jist tae see her winning smile;
I fain wad be amang them but, oh na, that canna be,
For Bonnie Bessie Logan, aye, she’s ower young for me.
3: Noo bonnie Bessie Logan, she's stown my hert awa,
And when I think upon her noo, the tears doon saftly fa;
But I'll hae tae live withoot her until the day I dee,
For Bonnie Bessie Logan, aye, she’s ower young for me.
4: Noo bonnie Bessie Logan, I saw her late yestreen,
Wi a rosebud in her bosom, aye, and love-light in her een;
I wad fear the lad that pu'ed that rose he's gaun tae win his plea,
For Bonnie Bessie Logan, aye, she’s ower young for me. |
|
|
c p 2005 Autumn Harvest AH002
www.springthyme.co.uk
|