The Barnyards o Delgaty

On Autumn Harvest AH 004
Old Songs & Bothy Ballads - Some Rants o Fun

Gordon Easton sings:

The farm of Barnyards on the Delgaty castle estate a mile from Turriff gave rise to this - one of the most famous of the old bothy ballads. The song is no doubt a parody of life as it would really have been on this particular farm which was one of the finest in the northeast.

1: As I gaed doun tae Turra market,
Turra market for tae fee,
I fell in wi a fairmer chiel,
Fae the Barnyards o Delgaty.

Liltan adie, touran adie,
Liltan adie, touran ae,
O liltan louran louran louran,
The Barnyards o Delgaty.

2: He promised me the twa best horse,
That ever gaed in iron sheen;
Fen I gaed hame tae the Barnyards,
There wis naething there but skin an bane.

3: Noo the auld black horse stood on his hunkers,
The auld dun meer lay on her wime;
An aa that I could up an cry,
They widna rise at yokin time.

4: Noo lang Meg Scot, she maks ma brose,
It's wi her I canna gree;
First a mote and syne a knot,
An aye the ither jilp o bree.

5: Noo Jean MacPherson maks ma bed,
Ye sud see the marks upon ma shins;
Jean, the coorse illtrickit jaud,
She fills ma bed wi prickly whins.

6: Fin I gang tae the kirk on Sunday,
Mony a bonnie lass I see;
Sittin by her faither's side,
An winkin ower the pews at me.

7: Noo some can drink an nae get drunk,
Some can fecht an nae get slain;
I can coort anither chiel's lass,
An aye gang welcome tae ma ain.

8: Ma cannle's nearly burnt oot,
The snotter's fairly on the wane;
So fare ye weel ye Barnyards,
You'll never catch me here again.

Liltan adie, touran adie,
Liltan adie, touran ae,
O liltan louran louran louran,
The Barnyards o Delgaty.

c p 2007 Autumn Harvest AH004
www.springthyme.co.uk