1: Oh I mind o the time I grew tired o the fairm,
I made up ma mind I wad leave at the term;
I wad gang tae the city, a fortune I'd mak,
And I would be happy - I'd never go back.

Chorus:
Amang the neeps and the barley, the corn and the rye,
As sure as ye're livin, I'll tell ye nae lie,
Though I never have riches and the world pass me bye,
I'll be a ploughboy till the day that I die.
Toora lye, toora lee,
Oh hoo wad ye, hoo wad ye like tae be me.

2: Noo I went tae the jute works in Bonnie Dundee,
I mairried a lassie wha cam fae Lochee;
Well she spent aa ma siller and left me alne,
Jist longin tae be in the country again.

3: Noo I’m back on the fairm and I’ll bide aa ma days,
Where I’m share o ma meat and enough tae buy claes;
Wi ma milk and ma tatties in the bothy I’ll bide,
An I’ll never again leave ma ain countryside.

Chorus:
Amang the neeps and the barley, the corn and the rye,
As sure as ye're livin, I'll tell ye nae lie,
Though I never have riches and the world pass me bye,
I'll be a ploughboy till the day that I die.
Toora lye, toora lee,
O hoo wad ye, hoo wad ye like tae be me.