1: There once was a lassie and she cam in fae Crieff,
She met a butcher laddie and he was sellin beef;
And he's gien tae her the middle cut and doon she did faa,
And the wind blew the bonnie lassie's plaidie awa.

Chorus:
For the wind blaws east and the wind blaws west,
The wind blew the bonnie lassie's plaidie awa;
The beef was in her basket and she couldna rise ava,
And the wind blew the bonnie lassie's plaidie awa.

2: The plaidie wis lost, well it couldna be found,
The lassie and the laddie were Iyin on the ground;
“O what shall I tell tae ma ain folks ava,
For I canna say the wind blew ma plaidie awa.”

Chorus:
For the wind blaws east and the wind blaws west,
The wind blew the bonnie lassie's plaidie awa;
The beef was in her basket and she couldna rise ava,
And the wind blew the bonnie lassie's plaidie awa.

3: For twa three months aifter the plaidie it wis lost,
The lassie she began for tae swell about the waist;
And Rab he wis blamed for the hale o it aa,
And the blawin o the bonnie lassie’s plaidie awa.

For the wind blaws east, the wind blaws west,
The wind blew the bonnie lassie’s plaidie awa;
The lassie said, “Your butcher meat is ower tough tae chaw,
And the wind blew the bonnie lassie's plaidie awa.

4: Well in cam the aul wife the laddie tae accuse,
The ministers an elders began tae abuse;
The butcher lad for tryin tae mak ane intae twa,
An the blawin o the bonnie lassie’s plaidie awa.

Chorus:
For the wind blaws east and the wind blaws west,
The wind blew the bonnie lassie's plaidie awa;
The beef was in her basket and she couldna rise ava,
And the wind blew the bonnie lassie's plaidie awa.

5: Well they sent for the lassie tae come there hersel,
She looked at the butcher boy, “Ye ken hoo I fell,
Your beef it wis the cause o’t, ye cannae say ‘Na’,
For it wis then that the win blew ma plaidie awa.”

For the wind blaws east and the wind blaws west,
The wind blew the bonnie lassie’s plaidie awa;
The beef fell tae admirin it, the beef it was sae braw,
And the wind blew the bonnie lassie's plaidie awa.

6: Well Rab looked at the lassie, he gied a wee smile,
He said, “Bonnie lassie. I widna ye beguile,
The minister is here he’ll mak ane o us twa,
An that’ll pey for the plaidie that the win blew awa.”

Chorus:
For the wind blaws east and the wind blaws west,
The wind blew the bonnie lassie’s plaidie awa;
The beef was in her basket and she couldna rise ava,
And the wind blew the bonnie lassie's plaidie awa.