1: I ken ye dinna like it lass tae winter here in toun,
The scaldies they miscaa us and they try tae ring us doun;
It’s hard tae raise three bairns in a single flee-box room,
But I’ll tak ye on the road again when yellow’s on the broom.
Chorus:
When the yellow's on the broom.
When yellow's on the broom;
I'll tak ye on the road again,
When yellow's on the broom.
2: The scaldies caa us tinker dirt and scorn wir bairns at school,
But far cares what a scaldy thinks, a scaldy's jist a fool;
They nivver hear the yarlin's sang or see the flax in bloom,
For they're aye cooped up in hooses when yellow's on the broom.
Chorus:
When the yellow's on the broom.
When yellow's on the broom;
For they're aye cooped up in hooses,
When yellow's on the broom.
3: No sale for pegs or baskets noo, for folk tae stay alive,
We have tae work at scaldy jobs fae nine o'clock tae five;
But we caa nae man wir maister for we own the world's room,
And we'll bid fareweel tae Brechin when the yellow's on the broom.
Chorus:
When the yellow's on the broom.
When yellow's on the broom;
We'll bid fareweel tae Brechin,
When yellow's on the broom.
4: I'm weary for the springtime tae tak the road eence mair,
Tae the plantin and the pearlin and the berry fields o Blair;
Where we meet up wi wir kinfolk fae aa the country roon,
When the gyanaboot folk tak the road when yellow's on the broom.
Chorus:
When the yellow's on the broom.
When yellow's on the broom;
When the gyanaboot folk tak the road,
When yellow's on the broom.
|
|
|