|
I'm a Peer Rovin Lassie
Gordeanna McCulloch: On Autumn Harvest ah006: Old Songs & Bothy Ballads: Nick-knack on the Waa. Live from the Fife Traditional Singing Festival May 2007.
A fine tune and the repeat chorus lines of When I look tae yon high hills make this a great song for audience participation.
1 I'm a peer rovin lassie an my fortune's been bad,
Since I fell in love wi a young sailor lad;
I wis coorted sae early by night and by day,
And the lad I loe dearly lies a distance frae me.
Chorus:
When I look tae yon high hills an ma laddie's na there,
When I look tae yon high hills it maks ma hairt sair;
When I look tae yon high hills an a tear blins ma ee,
And the lad I loe dearly lies a distance frae me.
2 My friends and relations, they've aa joined in one,
Tae pairt me and my true love, they've done aa they can;
Tae pairt me and my true love, they've done aa they know,
But the lad I loe dearly, he will love me more so.
3 Then a bunch o blue ribbons tae ma love I'll prepare,
And through the lang summer I'll gie him tae wear;
And when he comes back again I'll crown him wi joy,
And I'll kiss the sweet lips o my young sailor boy.
Chorus:
When I look tae yon high hills and ma laddie's na there,
When I look tae yon high hills it maks ma hairt sair;
When I look tae yon high hills an a tear blins ma ee,
And the lad I loe dearly lies a distance frae me.
|
|
|
c p 2008 Autumn Harvest : www.springthyme.co.uk
|