1: At Mill o Tifty lived a man,
In the neigbourhood o Fyvie;
And he had a lovely daughter fair,
And they caad her bonnie Annie.
2: Her hair was fair, her eyes were blue,
Her cheeks as red as ony;
Her countenance was fair tae view,
And they caad her bonnie Annie.
3: Lord Fyvie had a trumpeter,
Whase name was Andrew Lammie;
And he had the airt tae win the hert,
O Tifty's bonnie Annie.
4: Her mother caad her tae the door,
Saying, "Come and look, my Annie;
Did ye ever see a prettier man,
Than the trumpeter o Fyvie?"
5: But nothing she said but sighing sore,
'Twas alas for bonnie Annie;
For she couldnae own her hert wis won,
By the trumpeter o Fyvie.
6: "My love comes in tae my bedside,
My love will last beyond me;
For love so oppressed my tender breast,
And love will waste my body."
|
|
7: "Noo Andrew's gaun tae Edinburgh toun,
Just for a while tae leave ye."
"Ye'll find me deid and buried deep,
In the green kirkyaird o Fyvie."
8: Her faither struck her wondrous sore,
And likewise did her mother;
But the hardest blows she had tae bear,
Were from her cruel brother.
9: Her brother struck her hard and sore,
Wi muckle blows and mony;
Aye, he broke her back on the temple stane,
The temple stane o Fyvie.
10: "O mither mak tae me a bed,
And lay me face tae Fyvie;
And I will lie and I will die,
For my true love Andrew Lammie."
11: Noo Andrew's back fae Edinburgh toun,
Wi muckle grief and sorrow;
"My love she died for me last night,
I will die for her tomorrow."
|
|