1: In New Deer parish I was born,
A child o youth tae Methlick came;
And gin ye'll no believe ma word,
The session clerk'll tell the same.
Chorus:
Linten adie, touran adie, Linten adie tooran ae,
Linten louran, louran, louran, the barnyards o Delgaty.
2: Tae bide upon ma faither's fairm,
That was never my intent;
I looed the lasses double weel,
And aye the wee, wee drap o drink.
3: As I cam in be Netherdale,
At Turra merket for tae fee,
I fell in wi a fairmer chiel,
Fae the barnyards o Delgaty.
4: He promised me the twa best horse,
Ye ever set yer een upon;
When I gaed hame tae the barnyards,
There was nothing there but skin and bone.
5: The auld black horse sat on his hunkers,
The auld white meer lay on her wime,
For aa that I could up and cry,
They widna rise at yokin time.
|
|
6: Meg MacPherson maks ma brose,
Her an me, we canna agree,
First a mote and syne a knot, [i.e. a little then a lump
And aye the ither jilp o bree. [i.e. spill the rest
7: When I gang tae the kirk on Sundays,
Monys a bonnie lass I see,
Sittin by her faither's side,
An winkin ower the pews at me.
8: Some can drink and nae be drunk,
Some can fecht and nae be slain,
But I can coort anither man's lass,
An aye be welcome tae ma ain.
9: Ma cannle noo it is brunt oot, [i.e. candle
The snotter's fairly on the wane, [i.e. the wick burnt down
Sae fare ye weel ye barnyards,
Ye'll never catch me here again.
Chorus:
Linten adie, touran adie, Linten adie tooran ae,
Linten louran, louran, louran, the barnyards o Delgaty. |
|